O próximo domingo 26 de maio celébranse eleccións municipais e nestes días previos, os 6 partidos que optan á alcaldía de Ribadeo (BNG, Compromiso por Galicia, En Marea, PP, PSOE e Ribadeo nos une) están dando a coñecer os seus programas.
A continuación, analízase a presenza do audiovisual e o cine en ditos programas:
BNG
Entre as súas medidas relacionadas coa cultura, o BNG fai alusión a seguir apostando pola presenza da nosa vila nos circuítos culturais do mundo do teatro, da danza, da música e do audiovisual.
COMPROMISO POR GALICIA
No seu programa non hai ningunha mención específica ao audiovisual, senón que só se fala dun cambio radical na axenda cultural.
EN MAREA
Entre as súas medidas, En Marea só fai mención á cultura en xeral como un elemento para a integración e para a prevención da marxinalidade.
PP
No seu programa electoral non se fai alusión directa ao audiovisual, pero si se recolle a intención de dinamizar e poñer en valor o Cine Teatro.
PSOE
Entre as súas medidas relacionadas coa cultura, non hai ninguna que faga referencia ao audiovisual, tan só se fai alusión a programas con actividades diversas nas Noitas activas.
RIBADEO NOS UNE
No seu programa tampouco se fai alusión ao audiovisual, só á programación de actividades en resposta á demanda existente.
