lunes, 19 de diciembre de 2016

Decembro de 2016: Stop Motion no Amodiño

O pasado sábado 17 de decembro, celebrouse na tenda bar Amodiño un obradoiro de stop motion, no que se elaborou un conto animado con froitas e verduras.
Esta actividade forma parte da súa axenda de actividades programadas para os meses de novembro e decembro.


domingo, 18 de diciembre de 2016

Ribadeo e o cine: A última viaxe do afiador

Unha vez máis, proxectouse en Ribadeo A última viaxe do afiador.
O pasado venres 16 pola mañá houbo un pase para os centros de ensino, no que estivo presente Aitor Rei, director do documental.



Pola tarde, a proxección para todos os públicos estivo acompañada dunha mostra de rodas de afiar diante do Cine Teatro.

Web Concello de Ribadeo


A última viaxe do afiador (2013) Aitor Rei

"Queicoa" significa en Barallete (a lingua dos afiadores) Deus, heroe, loitador, ser grande e mítico. Dende hai máis de tres séculos ata os nosos días, aos vellos afiadores de moita sona, con moitos camiños e milleiros de quilómetros ás súas costas, chámanlles "Queicoas".
Eran homes bravos, duros, curtidos de traballar nos campos coa única compaña do xirar dunha roda.
Esta é a súa historia e estes son os seus rostros...

miércoles, 14 de diciembre de 2016

As entradas do cine Teatro nos seus últimos anos

Así eran as entradas do Teatro nos seus últimos anos, que moitos ribadenses aínda lembrarán, xa que este cine estivo aberto ata 2003.



A pesar de que non se pode indicar a data concreta desta entrada, sábese que é posterior a 1995, ano no que se comezou a aplicar o 7% de IVE cultural reducido (que é o que figura na foto) e anterior ao 27 de maio de 2003, día de peche do Teatro.


Para recordar como foi a evolución das entradas de Cinelandia, fai clic aquí.

jueves, 8 de diciembre de 2016

Cine nas parroquias: A última viaxe do afiador

Este mes de decembro está prevista a proxección de A última viaxe do afiador na escola de Vilaselán e o pasado día 2 de decembro xa se puido ver na escola de Cedoifeita.

Axenda cultural outubro, novembro e decembro 2016
Axenda cultural outubro, novembro e decembro 2016
01.12.2016 (La Voz de Galicia)

Este documental, dirixido por Aitor Rei, tamén se proxectou en Rinlo e Ribadeo hai uns meses.



A última viaxe do afiador (2013) Aitor Rei

"Queicoa" significa en Barallete (a lingua dos afiadores) Deus, heroe, loitador, ser grande e mítico. Dende hai máis de tres séculos ata os nosos días, aos vellos afiadores de moita sona, con moitos camiños e milleiros de quilómetros ás súas costas, chámanlles "Queicoas".
Eran homes bravos, duros, curtidos de traballar nos campos coa única compaña do xirar dunha roda.
Esta é a súa historia e estes son os seus rostros...



martes, 6 de diciembre de 2016

Proxección do documental "A Chocolateira"

Este martes 6 de decembro, proxectouse unha vez máis en Ribadeo o documental A Chocolateira, dirixido por Xosé Reigosa.

06/12/2016 (La Voz de Galicia)

O documental fai un percorrido pola liña ferroviaria que unía as minas de Vilaodrid con Ribadeo, onde se cargaba o mineral nos barcos. Aínda que orixinariamente o tren só transportaba mineral, a partir de 1905, comezou a levar tamén pasaxeiros, ata que no ano 1964 deixou de funcionar.



Esta proxección forma parte da Chocolateira, un proxecto impulsado polo Concello de Ribadeo e La Caixa e que trata de "involucrar a xente da nosa zona de forma sostible, respetando o medio ambiente e ensalzando a memoria do tren mineiro".



Ademais da proxección do documental, o programa de actos tamén inclúe unha exposición na antiga oficina de turismo (do 3 ao 11 de decembro), unha ruta de senderismo e unha intervención urbana de kniting.



O domingo 11, houbo un novo pase deste documental no Cine Teatro:



sábado, 3 de diciembre de 2016

Youtubeir@s

O Concello de Ribadeo, xunto con outros dez concellos (Baña, a Coruña, Ames, Carballo, Mazaricos, Ourense, Pontevedra, Santiago, Teo e o Grove) e as tres Universidades galegas (a de Coruña, a de Vigo e a de Santiago), convocaron o concurso Youtubeir@s.

02/12/2016 (La Voz de Galicia) 

Este concurso de vídeos na rede ten dúas categorías dotadas cun premio de 1000€ cada unha: Vídeo-opinarmos (para expoñer unha opinión) e Vídeo-Facermos (de titoriais). Tamén haberá catro premios de 500€, cos que se premiará a creatividade, a eficiencia comunicativa, a calidade técnica e a calidade lingüística.

Os Concelleiros de Cultura presentando Youtubeir@s
02/12/2016 (La Voz de Galicia)

Entre o 1 de decembro deste ano e o 28 de abril de 2017, todas aquelas persoas maiores de 14 anos que queiran inscribirse poderán facelo a través da súa páxina web.

O principal obxectivo de Youtubeir@s é fomentar a creación de vídeos en galego  e aumentar a presenza da nosa lingua na rede.

O xurado do concurso está formado por Manolo González, María Lado, Manuel Núñez Singala, María Yáñez e Pablo Lamosa.



miércoles, 30 de noviembre de 2016

Artigos de cine: "La imagen: Una serie lista para arrasar"

En La Comarca del Eo desta semana pódese ver a seguinte imaxe, que fai referencia á estrea da serie coreana The legend of the blue sea, con escenas rodadas nas Catedrais.

26/11/2016 (La Comarca del Eo)
Pinchar na imaxe para vela en grande

domingo, 27 de noviembre de 2016

Ribadeo e a creación dunha film commission

O pasado 18 de novembro, publicouse en La Voz de Galicia un artigo no que se menciona a posibilidade de retomar a idea de crear unha film commission en Ribadeo. 

18/11/2016 (La Voz de Galicia)

Cada vez son máis frecuentes as rodaxes para cine e televisión que se levan a cabo na nosa vila, polo que a creación dunha film commission, ente destinado a facilitar aos produtores toda a información e permisos necesarios para levar a cabo as gravacións, sería moi beneficiosa tanto para as produtoras audiovisuais como para o propio concello de Ribadeo.

Momento da rodaxe de "The legend of the blue sea" nas Catedrais
(Foto: El Progreso)

Ademais, a concelleira de turismo, Ana Martínez, asegurou que esta especie de film commission encaixaría ben co programa Ribadeo Eventos, que facilita a organización de todo tipo de actividades no concello.

Aínda que ata hai uns anos existía unha Galicia Film Commission, na actualidade só algunhas cidades como Santiago e Vigo contan con film commissions. 
Na provincia de Lugo, existe unha film commission, creada pola Fundación TIC e o Consorcio Audiovisual Galego e xa en 2005 se falaba de posibilidade de abrir unha segunda oficina de promoción de rodaxes en Ribadeo, como se pode ler no seguinte artigo:


10/09/2005 (La Voz de Galicia)
Pinchar na imaxe para vela en grande

sábado, 26 de noviembre de 2016

Ribadeo en "Ribeiras de Salitre"

O pasado domingo emitiuse na Televisión de Galicia o programa "Ribeiras de Salitre", que percorre aos portos galegos e que nesta ocasión estivo dedicado a Ribadeo.



Rivadulla Corcón, presentador e director do programa, estivo en Rinlo entrevistando a Celia Pacio, que falou do traballo das percebeiras, e a José Ramón Fra, mariñeiro retirado que recordou o seu paso polo mar. En Rinlo tamén visitou a Consuelo Joglar, que cociñou polbo con ameixas.
Moncho Rodríguez, pescadeiro da Praza de Abastos, Manuel Vázquez, coñecido como o Farero, e Ramón Acuña, presidente do Club Naútico de Ribadeo, foron outros dos protagonistas deste espazo.



Na lonxa, a Coral Polifónica de Ribadeo interpretou algunhas fermosas cancións mariñeiras e unha delas, acompañada de fotos antigas da nosa vila, serviu de peche ao programa.





Se queres ver o programa completo, fai clic aquí.

martes, 22 de noviembre de 2016

Artigos de cine: "Oriente ha visto As Catedrais"

A semana pasada publicouse en El Progreso o seguinte artigo, no que se informa da aparición da praia das Catedrais na serie coreana The legend of the blue sea:

19/11/2016 (El Progreso. A Mariña)
Pinchar na imaxe para vela en grande

lunes, 21 de noviembre de 2016

Ribadeo no capítulo 2 de The legend of the blue sea

O pasado xoves 17 de novembro emitiuse nalgúns países asiáticos o segundo capítulo da serie coreana The legend of the blue sea, no que se inclúen algunhas das secuencias rodadas na praia das Catedrais.



Fotogramas do capítulo 2 da serie

Este episodio, ao igual que todos os demais, comenza cunha intro co título da serie a modo de cabeceira e que mostra unha imaxe das Catedrais.

Intro co título da serie nas Catedrais

Nesta segunda entrega, unha muller que fora estafada por Joon Jae contrata a uns mafiosos para que atrapen ao mozo. Ao enterarse de que andan na súa búsqueda, a serea e o estafador, protagonistas da historia, tratan de fuxir, dirixíndose cara á "fin do mundo".

Persecución entre o millo, rodada en Ribadeo
Persecución nas Catedrais

A acción transcorre nalgunhas vilas catalás, na cidade da Coruña (concretamente na zona da Torre de Hércules) e na praia das Catedrais, onde se gravou unha das secuencias nas que os mafiosos perseguen a Joon Jae e a serea.








Neste vídeo pódese ver un pouco da secuencia rodada en Ribadeo.

domingo, 20 de noviembre de 2016

Ribadeo no capítulo 1 de The legend of the blue sea

O pasado mes de setembro rodouse na praia das Catedrais a serie coreana The legend of the blue sea, protagonizada por Lee Min Ho e Ju Ji Hyun e o mércores 16 de novembro estreouse o primeiro capítulo.



A historia comeza no século XVI, cando unha serea aparece nunha praia e permanece atrapada por un timador que pretende vendela, ata que o fillo dun nobre a libera no mar.
Xa en 2016, un temporal leva á serea á costa catalá e, tras descubrir que ao saír da auga ten pernas, chega á habitación de hotel de Heo Joon Jae, un estafador profesional que ten unha extraña capacidade para hipnotizar á xente.
A serea é acusada de ladroa e levada aos calabozos dos mossos d'esquadra, ata que Joon Jae vai buscala para roubarlle un valioso brazalete que sempre leva posto e rematan pasando o día xuntos.

Neste primeiro episodio, que transcorre principalmente en Cataluña e na cidade da Coruña, a praia das Catedrais tan só está presente na intro co título que serve de cabeceira da serie e que se repite ao longo de todos os capítulos:

Imaxe da intro co título da serie na praia das Catedrais

jueves, 17 de noviembre de 2016

Artigos de cine: "Una productora portuguesa rodará un thriller policíaco en Ribadeo"

Onte La Voz de Galicia publicou o seguinte artigo sobre a rodaxe en Ribadeo dalgunhas secuencias da película "Bad investigate":

16/11/2016 (La Voz de Galicia)
Pinchar na imaxe para vela en grande

miércoles, 16 de noviembre de 2016

Rodaxe dun filme portugués en Ribadeo

Do 14 ao 19 de xaneiro do próximo ano, unha produtora portuguesa desprazarase ata Ribadeo para rodar algunhas das secuencias da película "Bad investigate".

16/11/2016 (La Voz de Galicia)

"Bad investigate" é un thriller policíaco que trata sobre un narcotraficante que percorre toda a costa portuguesa nun veleiro, mentres que por terra o acompaña un camión coa droga. Véndose obrigado a escapar, o narco busca refuxio en Ribadeo.

Esta semana, membros da Lugo Film Commission e da produtora Lightbox visitaron a nosa vila para realizar traballos de preprodución e visitar algunhas das localizacións da gravación, como a Igrexa de Santa María, a praia das Catedrais e o Club Náutico.

15/11/2016 (www.fundaciontic.org)


lunes, 14 de noviembre de 2016

Os cines de Ribadeo nas imaxes dos voos do Instituto Xeográfico Nacional 1973 - 1986

A Fototeca do Centro Nacional de Información Xeográfica custodia os orixinais das fotos aéreas realizadas en distintos voos do Instituto Xeográfico Nacional desde os anos 30 ata a actualidade.
A entrada anterior deste blog recollía as imaxes aéreas dos anos 1989 - 1991 nas que se podían ver os cines de Ribadeo.

Nas seguintes capturas, realizadas entre os anos 1973 - 1986, os cines ribadenses atopábanse así:

CINE TEATRO
Neste periodo de tempo, o Teatro era o único cine que había en Ribadeo.



CINE COLÓN
O Colón pechou as súas portas en 1973, polo que é moi probable que cando se fixeron estas fotos xa non estivese en funcionamento.



CINE GALAXIA



CINELANDIA
Nos anos 70 e 80, Cinelandia non existía aínda.



domingo, 13 de noviembre de 2016

Os cines de Ribadeo nas imaxes dos voos do Instituto Xeográfico Nacional 1989 - 1991

A Fototeca do Centro Nacional de Información Xeográfica custodia os orixinais das fotos aéreas realizadas en distintos voos do Instituto Xeográfico Nacional desde os anos 30 ata a actualidade. Aínda que a calidade das imaxes dos primeiros anos non permite distinguir con claridade as rúas ribadenses, nas fotografías dos anos 1989-1991 xa se poden apreciar con bastante detalle.

Nas imaxes pode verse como se atopaban os cines da nosa vila naquela época:

CINE TEATRO
Hai que recordar que este era o único cine que funcionaba como tal a principios dos 90.



CINE COLÓN



CINE GALAXIA



CINELANDIA
A principios dos 90, o actual cine de Ribadeo aínda non existía.