lunes, 30 de noviembre de 2015

Pictograma da asociación Capaces no Cine Teatro

O Concello de Ribadeo e a asociación Capaces Lugo instalaron máis de 200 pictogramas en distintos puntos da vila para facilitar a integración das persoas que sofren algún tipo de diversidade funcional relacionada coa comunicación e a expresión. Ditos sinais axudan a que as persoas con dificultades entendan mellor en que lugar se atopan e as normas a respectar. 

Un dos lugares escollidos para a colocación dun destes pictogramas foi o Cine Teatro:



Capaces é unha asociación sen ánimo de lucro creada para apoiar ás persoas con Trastorno de Espectro Autista (TEA) e trastornos da comunicación (Trastorno Semántico Pragmático, TEL, etc.).

Membros do Concello de Ribadeo e da Asociación Capaces presentando o proxecto
Foto: La Voz de Galicia (29/10/2015)

Crónica3.com A Mariña (28/10/2015)

martes, 10 de noviembre de 2015

2015: Películas en galego en Cinelandia

É pouco frecuente atopar películas en galego nas pantallas dos cines, pero este ano en Cinelandia puidemos ver tres producións cinematográficas na nosa lingua.

A primeira do ano foi A Esmorga, que está rodada en galego, dirixida por Ignacio Vilar e protagonizada por Antonio Durán "Morris", Karra Elejalde e Miguel de Lira.


Aquí podes ver o tráiler de A Esmorga:



No mes de xuño chegou a Cinelandia O noso último verán en Escocia, que se proxectou dous días en galego e o resto da semana en castelán. 
Este é un caso curioso, xa que se trata dunha produción inglesa que se estreou dobrada ao galego grazas a unha iniciativa da Xunta de Galicia, a produtora Contracorriente Films e a TVG, co obxectivo de promover o consumo na nosa lingua de produtos culturais internacionais.


Este é o tráiler en galego de O noso último verán en Escocia:



O pasado mes de outubro, proxectouse en Cinelandia A praia dos afogados, película que combina personaxes que falan en galego con outros que o fan en castelán.




Cartel de A praia dos afogados no Eroski de Ribadeo