Desde o 15 de outubro ata o 31 de decembro está en circulación a Pancha, moeda virtual ribadense.
Nesta nova edición da iniciativa, que ten como obxectivo fomentar o consumo na nosa vila, hai máis de 100 negocios adheridos, entre os que se atopa Cines Ribadeo.
.jpeg)
O home e o can é unha película dirixida por Ángel de la Cruz e protagonizada por Manuel Manquiña, Paula Chaves, Gonzalo Uriarte e Estíbaliz Veiga.
.jpeg)
O filme, rodado en blanco e negro e integramente en galego, estreouse o pasado venres 20 de outubro en 22 salas galegas, entre as que se atopa Cines Ribadeo.
O home e o can conta a historia de Manuel, que nunca saiu da súa aldea, na que vive completamente só co seu can. Un accidente obrígao a viaxar á cidade para buscar un veterinario e alí atopará a Paula, que foxe dun fogar desestruturado.
O domingo 22 ás 20.30h en Cines Ribadeo tivo lugar un pase especial da película, xa que nel estiveron presentes Ángel de la Cruz e Estíbaliz Veiga, que mantiveron un coloquio co público tras a proxección.
O filme estará na carteleira de Cines Ribadeo desde o venres 20 ao xoves 26.
.jpeg)
Un ano máis, Cines Ribadeo participou nunha nova edición da Festa do Cine, que se celebrou do 2 ao 5 de outubro de 2023.
As películas proxectadas estes días en Cines Ribadeo foron The Creator e Los mercen4rios.
O martes 11 de xullo de 2023 comezou o programa Cine Sénior, promovido polo Ministerio de Cultura e Deporte e que permite aos maiores de 65 anos ir ao cine por 2€ un día á semana.
Cines Ribadeo é unha das 420 salas adheridas a esta iniciativa.
