O martes 26 de agosto, proxectouse no cine Teatro a película Encallados, dirixida por Alfonso Zarauza e protagonizada por Xulio Abonjo, Ricardo Barreiro e Federico Pérez.
Encallados, rodada en 16 mm e en branco e negro, é un bo exemplo de metacine, cine dentro do cine, cunha estrutura circular e onde ficción e realidade chegan a confundirse.
Encallados (2014) Alfonso Zarauza
Un director de cinema chama a dous amigos guionistas para escribir un filme sobre a catástrofe do Prestige con poucos medios e nun prazo inminente.
Os tres acaban, como o propio petroleiro, encallados ante a imposibilidade de levar a cabo a súa historia.
Para saber máis sobre Encallados podedes visitar a súa web.
