Hoxe en día, a maioría da xente que ve películas ou series na súa casa faino a través de Internet (de xeito legal ou ilegal), da televisión ou alugándoas en videoclubes, se teñen a sorte de ter algún cerca. Pero aínda hai quen prefire mercar os filmes en DVD (ou Blu-ray) para desfrutar deles na casa.
 |
| DVD na casa |
Nas cidades é doado adquirir películas nos centros comerciais ou en tendas especializadas como a Fnac, pero nas vilas máis pequenas, como é o caso de Ribadeo, xa casi non quedan lugares nos que mercar cine.
Actualmente en Ribadeo pódense mercar DVD en:
- Grandes superficies como o Eroski, onde hai unha pequena sección fixa dedicada aos DVD e Blu-ray. Aquí destacan as películas infantís, algunhas de estrea, algúns clásicos do cine e, especialmente, westerns a prezo moi baixo:
 |
| Estantería do Eroski |
- Librarías, nas que se nalgunha ocasión e se tes sorte, podes atopar algunha película perdida...
 |
| "Erreway 4 caminos" en Bis a Bis |
 |
| "Cantinflas" na libraría Martínez |
- Xogueterías, como Din&Don, que conta cunha estantería de pelis de Disney:
En xeral, a oferta é escasa e pouco variada, non hai onde mercar temporadas de series e o máis doado de atopar son películas de animación... menos mal que sempre nos quedará Internet!
