O pasado mércores 22 de febreiro, proxectáronse no bar Breogán curtas de animación experimental do xaponés Osamu Tezuka.
Esta foi a última sesión de febreiro do ciclo de cine Proxecto-R, organizado polo colectivo Doce do Patíbulo e que ese mes estivo dedicado ao xénero da animación.
 |
| Momento da proxección (Foto: Facebook Proxecto-R) |
Osamu Tezuka, coñecido como o "deus do manga", foi ademais de debuxante de historietas, un dos pioneiros da animación xaponesa. Creou a súa propia empresa, Mushi Productions, coa que creou a primeira serie de debuxos animados de Xapón: Astroboy.
Entre as súas curtametraxes atópanse títulos como Macho (1962), Historias de una calle (1962), Recuerdos (1964), Sirena (1964), etc.
