O 29 de outubro de 2017, estreouse simultaneamente en BBC One e BBC Earth a serie documental Blue Planet II, presentada por Sir David Attenborough.
A serie, que en España emite Movistar +, foi a emisión máis vista do ano 2017 no Reino Unido, con 14'1 millóns de espectadores e un 41'4% de cota de pantalla no seu primeiro episodio.
Ribadeo está presente nesta produción a través da praia das Catedrais, que aparece no capítulo 6, titulado Costas e que se emitiu no Reino Unido o 3 de decembro do ano pasado.
 |
| Fotogramas do episodio Costas |
No seguinte fragmento pódese ver un time lapse da subida da marea na praia:
Hai que lembrar que un equipo da BBC trasladouse á nosa vila en 2016 para preparar e gravar as imaxes que se inclúen no documental.
 |
| 06.01.2018 (La Voz de Galicia) |
 |
| 13.01.2018 (La Voz de Galicia) |
Cabe destacar que a música de Blue Planet II está composta por Hans Zimmer (gañador do Oscar á mellor banda sonora por El rey León), que nun dos temas contou coa colaboración da banda Radiohead.
Podes ver o tráiler oficial aquí.
