Con motivo do 25 aniversario da estrea das tres primeiras longametraxes galegas (Sempre Xonxa, Urxa e Continental), celebrouse na Cidade da Cultura a exposición "25 anos de Cinegalicia".
Na mostra facíase un repaso da historia do noso cine, con espazos adicados ás salas de exhibición, aos profesionais do sector audiovisual, ás produtoras galegas, á TVG, aos festivais máis destacados e por suposto, aos filmes feitos en Galicia. Entre ditas longametraxes atopábanse dúas nas que está presente Ribadeo: Os mortos van á présa e Arrugas.
Aquí podedes ver algunhas fotos de Os mortos van á présa na exposición:
 |
| Fotogramas e parte do storyboard da película |
 |
| Cartel da película |
 |
| Na portada do guión poden verse debuxos do Faro, de Rinlo e da igrexa da Devesa |
Para máis información sobre Ribadeo en Os mortos van á présa, dirixida por Ángel de la Cruz e rodada en Rinlo, a Devesa e Ribadeo, fai clic aquí.
Ribadeo tan só sae nun par de escenas de Arrugas, película de animación dirixida por Ignacio Ferreras e gañadora ao Goya á mellor película de animación e ao de mellor guión adaptado en 2012.
 |
| Cartel en xaponés e storyboard de Arrugas |
 |
| Un dos premios Goya que gañou Arrugas en 2012 |
Para recordar Ribadeo en Arrugas fai clic aquí.
