O próximo martes 29 de agosto ás 22h no Parque de San Francisco proxectarase a película 1898. Los últimos de Filipinas, protagonizada por Luis Tosar, Álvaro Cervantes, Javier Gutiérrez e Ricardo Gómez, entre outros.
A entrada será gratuíta e ao remate da película haberá un coloquio co seu director, Salvador Calvo.
1898. Los últimos de Filipinas, xunto con Abracadabra e Verano 1993, está preseleccionada para representar a España na 90 Edición dos Oscar. O 7 de setembro coñecerase cal delas é a candidata definitiva proposta pola Academia do Cine Española para competir na categoría de mellor filme de fala non inglesa.
1898. Los últimos de Filipinas (2016) Salvador Calvo
A finais do século XIX, na colonia española de Filipinas, un destacamento español foi sitiado na vila de Baler, na illa de Luzón, por insurrectos filipinos revolucionarios, durante 337 días.
En decembro de 1898, coa firma do Tratado de París entre España e Estados Unidos, poñíase fin formalmente á guerra entre ambos países e España cedía a soberanía sobre Filipinas a Estados Unidos. Por este motivo, os sitiados en Baler son coñecidos como "os últimos de Filipinas".
A finais do século XIX, na colonia española de Filipinas, un destacamento español foi sitiado na vila de Baler, na illa de Luzón, por insurrectos filipinos revolucionarios, durante 337 días.
En decembro de 1898, coa firma do Tratado de París entre España e Estados Unidos, poñíase fin formalmente á guerra entre ambos países e España cedía a soberanía sobre Filipinas a Estados Unidos. Por este motivo, os sitiados en Baler son coñecidos como "os últimos de Filipinas".
