No filme, a diferenza do cómic, Ribadeo está presente en varias ocasións.
 |
| Versión en galego do cómic |
SINOPSE: Arrugas (Ignacio Ferreras, 2011)
Arrugas narra a amizade entre Emilio e Miguel, dous anciáns recluídos nun xeriátrico.
Emilio, que chega á residencia nun estado inicial de Alzheimer, recibe a axuda de Miguel e outros compañeiros para non rematar na planta superior da residencia, o temido piso dos que non poden valerse por si mesmos.
O seu aloucado plan tingue de comedia e tenrura o pesado día a día da residencia porque aínda que para moitos as súas vidas acabaran, eles comezan unha nova.
Ribadeo aparece no filme fundamentalmente en dúas ocasións:
1. Por unha parte, Miguel, un dos personaxes principais, menciona que naceu en Ribadeo, aínda que se trasladou a vivir a Arxentina cando era un neno.
 |
| Miguel |
2. Por outra parte, Emilio, o protagonista, ten na mesiña de noite unha foto da súa muller e do seu fillo na praia das Catedrais.
Nunha secuencia da película el recorda aquel día no que, estando nas Catedrais, sacou dita foto. |
| Emilio nas Catedrais |
 |
| Foto da muller e o fillo de Emilio na praia das Catedrais |
Para ter máis información sobre Arrugas podedes visitar a súa páxina web:
http://www.arrugaslapelicula.com/ga/
E sobre todo, recomendo que a vexades para descubrir todo isto por vós mesmos!
