Aínda que non se pode indicar a data concreta da seguinte entrada, sábese que pertence á etapa na que Lens Ucar rexentaba o cine Teatro, que posteriormente pasou a mans da empresa Fraga.
A principios de febreiro de 1936, a prensa local anunciou a chegada a Ribadeo do empresario Manuel Lens Ucar, que inaugurou o Teatro Principal tras levar a cabo importantes reformas no edificio.
O cine Teatro estreouse o 9 de febreiro de 1936 coa proxección da película Nobleza Baturra, dirixida por Florián Rey e protagonizada por Imperio Arxentina.
 |
| 08/02/1936 (Las Riberas del Eo) |
Como curiosidade, hai que engadir que na parte posterior da entrada hai un anuncio de Calzados Minerva, tenda que se atopaba na esquina que actualmente ocupa a Bugalla.
Ao lado desta zapatería, podíase consultar a carteleira do cine Teatro, como recorda un membro de Non eres de Ribadeo si non...
 |
| (Facebook: Grupo Non eres de Ribadeo si non...) |
Para ver como eran as entradas do cine Teatro nos seus últimos anos fai clic aquí.
