El padrino é unha triloxía de películas dirixidas por Francis Ford Coppola e baseadas na novela homónima de Mario Puzo.
El padrino estreouse en 1972 e estivo protagonizada por Marlon Brando e Al Pacino. A película, considerada como unha das mellores da historia do cine, obtivo un enorme éxito en taquilla e gañou tres premios Oscar: mellor película, mellor actor e mellor guión adaptado.
Esta primeira parte da saga non chegou á pantalla do Cine Teatro ata outubro de 1976, catro anos despois da súa estrea.
 |
| 26.09.1976 |
 |
| 03.10.1976 |
El padrino (1972) Francis Ford Coppola
Don Vito Corleone é un respetado e temido xefe dunha familia da mafia neoiorquina dos anos 40. Ten catro fillos: Connie, Sonny, Fredo e Michael, que non quere saber nada dos asuntos do seu pai.
Cando Corleone se nega a participar no negocio das drogas, o xefe doutra banda ordena o seu asasinato.
É así como comeza unha violenta e cruenta guerra entre as familias mafiosas.
El padrino. Parte II foi estreada en 1974 e, ao igual que a primeira, tamén contou coa presenza de Al Pacino. O reparto completouse con outros intérpretes como Diane Keaton, Robert Duvall, John Cazale e Robert De Niro, entre outros.
A película tivo unha gran acollida por parte do público e, a pesar de tratarse dunha secuela, tamén da crítica, chegando a gañar seis premios Oscar entre os que se atopaban o de mellor película e mellor director.
En Ribadeo, os espectadores puideron vela no Cine Teatro en outubro de 1976, tan só unhas semanas despois da proxección de El padrino.
 |
| 17.10.1976 |
 |
| 24.10.1976 |
El padrino. Parte II (1974) Francis Ford Coppola
Tras a morte de Don Vito Corleone, o seu fillo Michael convértese no cabeza de familia. Ao tener que negociar coa mafia xudía, perde o apoio dun dos seus homes, Frankie Pentageli.
Despois de escapar dun atentado, Michael trata de atopar ao culpable.
Houbo que esperar ata 1990 para que se estrease a última parte da triloxía, protagonizada por Al Pacino, Andy García e Diane Keaton, entre outros.
El Padrino. Parte III, que non gañou ningún dos Oscar aos que optaba, estreouse no Cine Teatro en maio de 1990.
 |
| 11.05.1990 |
El padrino. Parte III (1990) Francis Ford Coppola
Michael Corleone, herdeiro do imperio de Don Vito Corleone, intenta rehabilitarse socialmente e lexitimar todas as posesión da familia negociando co Vaticano. Despois de loitar toda a súa vida atópase cansado e centra as súas esperanzas en atopar un sucesor que se faga cargo dos negocios. Vincent, o fillo ilexítimo de Sonny, parece ser o escollido...
