O pasado venres 21 de febreiro de 2014, proxectouse na Casa das Letras o DVD 102 testemuños de aniversario, unha recompilación de material audiovisual en torno á figura de Celso Emilio Ferreiro con motivo do 102 aniversario do seu nacemento.
O acto contou coa presenza de Aser Álvarez, director do documental 100% CEF e de Plácido Romero, axudante de dirección e coordinador do DVD.
O DVD, editado por Arraianos, inclúe:
- 100% CEF, dirixido por Aser Álvarez e gañador do Mestre Mateo ao mellor documental en 2013.
- 50% CEF, o poeta da vida, unha versión reducida de 100% CEF.
- 102 testemuños de aniversario, que reúne material non utilizado no documental.
- Un making of realizado por Plácido Romero.
- A curtametraxe Homenaxe a Celso Emilio.
- Noutrora, unha videocreción de Xudit Casas.
