BILLY WILDER (1906 – 2002)
Billy Wilder foi un productor, guionista e director de orixe austríaco.
Comezou traballando nos estudios cinematográficos UFA, pero tras a chegada ao poder de Hitler, Wilder veuse obrigado a abandonar Alemaña, debido á súa ascendencia xudía.
Os seus inicios en Hollywood foron como guionista da Paramount, onde tivo a oportunidade de coñecer a directores como Ernst Lubitsch.
Ao longo da súa carreira cinematográfica, Billy Wilder gañou 5 premios Oscar: 3 como guionista e 2 como director, por Días sin huella e El apartamento.
Na súa extensa filmografía, destacan filmes como Días sin huella (1945), El crepúsculo de los dioses (1950), Sabrina (1954), La tentación vive arriba (1955), Con faldas y a lo loco (1959), El apartamento (1960) e Irma la dulce (1963).
Billy Wilder dirixiu a numerosas estrelas de Hollywood: Marilyn Monroe, Jack Lemmon, Tony Curtis, Shirley MacLaine, Audrey Hepburn ou Humphrey Bogart, entre outros moitos nomes.
 |
| Fotogramas de Con faldas y a lo loco, La tentación vive arriba, El apartamento e Sabrina |
