O venres 29 de abril proxectouse no cine Teatro o documental Cantando a Manuel María, dirixido por Gonzalo E. Veloso e producido por Millo Filmes. Houbo dobre sesión: a primeira, pola mañá, dirixida aos centros de ensino e pola tarde, para todos os públicos.
Cantando a Manuel María combina imaxes da Terra Chá con música que evoca emocións e sentimentos que axudan a comprender a obra do poeta.
No documental participan autores como Luz Pozo, Darío Xohán Cabana, Miguel Anxo Fernán Vello, Paco Marín e Mini e Mero, entre outros.
Hai que recordar que Manuel María, autor de obras como Terra Chá, foi o homenaxeado no día das Letras Galegas deste ano 2016.
