Para algúns a Semana Santa é tempo de vacacións, torrijas, procesións e películas, xa convertidas en clásicos destas datas ao repetirse ano tras a ano na televisión.
Entre estes filmes típicos da Semana Santa atópanse títulos como Ben-Hur, Quo Vadis?, La túnica sagrada, Marcelino, pan y vino, etc.
Moitas destas películas caracterízanse por ser superproducións da etapa dourada de Hollywood, con grandes orzamentos e decorados impoñentes, como é o caso de Ben-Hur (1959), ambientada na Antiga Roma (ano 30 d.C.) e que se proxectou nos cines ribadenses en numerosas ocasións.
 |
| 30.12.1962 |
 |
| 26.07.1964 |
 |
| 26.08.1973 |
Outra das características principais destes filmes épicos que ocupan a grella televisiva nestes días é que se trata de péplums, é dicir, cine histórico, de aventuras e ambientado na antiga Roma ou Grecia.
Quo Vadis? (1951) é un dos péplums máis recordados da historia do cine e proxectouse no Teatro nos anos 50.
 |
| 07.08.1955 |
 |
| 31.07.1955 |
Espartaco (1960), protagonizada por Kirk Douglas, tamén é un exemplo de péplum recorrente na Semana Santa das canles televisivas españolas.
 |
| 24.11.1963 |
 |
| 01.12.1963 |
Outro coñecido péplum é La túnica sagrada (1953), primeira película estreada en Cinemascope (aínda que non a primeira en rodarse, como podes recordar aquí). Nela, ademais de aparecer a crucifixión de Cristo, están presentes outros personaxes bíblicos como o apóstolo Pedro.
 |
| 15.01.1956 |
 |
| 20.07.1958 |
Tratándose da Semana Santa, conmemoración cristiá da Paixón de Cristo, é dicir, a entrada a Xerusalén, a última cea, o via crucis, a morte e a resurrección de Cristo, non é de estrañar que moitas das películas típicas desta época sexan de temática bíblica e narren pasaxes relacionadas con personaxes como Xesús, a Virxe María, os apóstolos, etc.
Este é o caso de Los diez mandamientos (1956), que mostra as aventuras de Moisés, escollido por Deus para guiar ao seu pobo e ao que lle entregou a táboa dos mandamentos.
 |
| 31.07.1960 |
 |
| 21.08.1960 |
 |
| 28.08.1960 |
 |
| 04.09.1960 |
Tamén é o caso de Barrabás (1962), filme italiano que se centra neste personaxe bíblico indultado por Poncio Pilatos en lugar de Xesucristo, que foi condenado e crucificado.
 |
| 11.04.1965 |
Outro exemplo claro é Rey de Reyes (1961), baseada na vida de Xesús e que se proxectou no cine Teatro en 1965.
 |
| 14.03.1965 |
Marcelino, pan y vino (1954) é un clásico do cine relixioso español de 1954 e narra a historia de Marcelino, un neno que fala cun Cristo crucificado que se atopa no faiado do mosteiro no que vive.
 |
| 04.09.1955 |
Na programación destas datas tamén se atopan algúns títulos que teñen lugar en épocas máis recentes, como Las sandalias del pescador (1968), ambientada no Vaticano e coa Guerra Fría como telón de fondo.
 |
| 29.03.1960 |
Estes son só algúns exemplos e cabe destacar que hai filmes máis recentes que tamén comezan a abrirse un oco entre os clásicos cinematográficos da Semana Santa, como La Pasión de Cristo, La vida de Brian ou El príncipe de Egipto.
Agora queda esperar e comprobar cantas destas películas emiten as canles de televisión nesta Semana Santa de confinamento.
