A rosa de pedra, dirixida por Manuel
Palacios e baseada nunha historia de Manuel Rivas, estreouse o 25 de xullo de
1999 en Canal+, nunha programación especial con motivo da celebración do
Xacobeo 99.
A película está protagonizada por Marta
Belaustegui, Laura Ponte e Paulina Gálvez.
Ana, unha executiva de moda; Paula,
unha modelo; Mireia, unha fotógrafa e Carlos, un estilista; viaxan a Santiago
de Compostela coa intención de realizar unha reportaxe de moda.
Cada unha delas, cun punto de vista
particular sobre a vida, cambiará radicalmente a súa perspectiva ao coñecer á xente e as historias da cidade.
Bastián, un vendedor cego de vieiras e
lendas; Abdel, vendedor de alfombras musulmán e o seu guía; xunto con Manuel,
un camiñante namorado de Paula, influirán nos cambios que cada unha delas
experimentará...
 |
| A praia das Catedrais en A rosa de pedra |
RIBADEO EN A ROSA DE PEDRA
Ribadeo está presente cara ao final da
historia, cando as protagonistas, tras estar no Cebreiro e Santiago, se
desprazan ás Catedrais.
Nesta praia, realizan unha sesión
fotográfica que pon fin á súa reportaxe de moda.
Porén, na narración da película, a
acción ten lugar en Fisterra e en ningún momento se fai referencia ao
concello de Ribadeo.
 |
| Fotogramas de A rosa de pedra |
Nesta breve reportaxe de Canal+ pódese
ver en varios momentos a praia das Catedrais e a sesión de fotos que ten lugar
nela:
(A calidade das imaxes non é nada boa, pero non é doado atopar fotos e vídeos desta película...)
