Mañá, mércores 18 de outubro, ás 21h no Cine Teatro proxéctase a película La familia Bélier, dirixida por Eric Lartigau.
Esta comedia dramática forma parte do ciclo de cine Proxecto-R, organizado polo colectivo Doce do Patíbulo e que no mes de outubro está dedicado ao cine social.
 |
| Cartel deseñado por Maica Nistal |
La familia Bélier (2014) Eric Lartigau
Todos os membros da familia Bélier son xordos, agás Paula, de 16 anos. Ela fai de intérprete para os seus pais, especialmente no que respeta ao funcionamento da granxa familiar. Debido a que a Paula lle gusta un rapaz do instituto, apúntase ao grupo do coro como el. Alí descubrirá o seu talento para o canto.
