A principios dos anos 30 abriron en Ribadeo dous salóns de cine sonoro: o Salón Eo e o Salón Morán, que posteriormente se transformaría no cine Galaxia.
SALÓN EO
Tendo en conta o recollido nos xornais locais, pódese dicir que esta foi durante algún tempo a única sala de espectáculos da vila.
 |
| 03/02/1934 (Las Riberas del Eo) |
Danton (1932) André Roubaud
Atendendo á data do anuncio, é probable que a película á que se refiere sexa esta, aínda que tamén hai versións anteriores de Danton en 1921 e 1931.
SALÓN MORÁN
Este salón, propiedade de José Morán e Constantino Fernández Cancio, correspóndese co posteriormente coñecido como cine Galaxia.
Como indica o seguinte artigo, o salón estaba ubicado "fronte á praza Ramón González", no inmoble onde actualmente se atopa o almacén da ferretería Morán, e foi inaugurado o xoves 22 de novembro de 1934.
 |
| 20/01/1934 (Las Riberas del Eo) |
 |
| 17/11/1934 (Las Riberas del Eo) |
En 1935, as proxeccións deste salón seguiron anunciándose en prensa baixo o título "Cine sonoro".
Ademais destes locais dedicados ao cine, Ribadeo contaba con outro salón no que se celebraban espectáculos teatrais, o Salón Iris.
 |
| 09/06/1934 (Las Riberas del Eo) |
