O pasado xoves 19 de decembro de 2013 e como parte do ciclo Un ollo de vidro, proxectouse no Teatro a película A cicatriz branca, dirixida por Margarita Ledo e protagonizada por Eva Veiga, Xavier Deive, Lino Braxe e Tamar Novas, entre outros.
 |
| 19/12/2013 (La Voz de Galicia) |
A cicatriz branca (2012) Margarita Ledo
Na primeira metade do século XX, moitas mulleres saíron soas de Galicia cara a América. Mulleres que, na procura dun futuro mellor, entraban a traballar de costureiras, operarias de fábrica ou criadas. Gran parte delas eran ilegais, con papeis que falsificaban a súa idade e a súa identidade. A película conta historias comúns como a de Merce que, tras ser despedida, non ten a onde ir nin a quen acudir...
Para saber máis sobre A cicatriz branca, podedes visitar a súa páxina web (http://acicatrizbranca.com/es/index.html) e seguilos en twitter (@acicatrizbranca).
