Del Miño al Bidasoa é unha miniserie estreada por TVE en
1990 e baseada na obra homónima de Camilo José Cela, publicada en 1952.
Protagonizada por Nicolás Dueñas e José Antonio Labordeta, mostra a viaxe dun vagabundo que sae de Santiago de Compostela e percorre o norte de España.
A serie está dividida en catro capítulos: Trancos
galicianos, Caminando caminos de Asturias, La verde y civilizada tierra de
Cantabria e Hacia levante, el País Vasco.
Ao final do primeiro capítulo, Trancos galicianos, o
protagonista visita Ribadeo, antes de abandonar Galicia e continuar a súa viaxe
por Asturias.
 |
 |
| Porcillán |
En Ribadeo, o vagabundo pasea por diante da Igrexa, polo
parque, entra no Café Español, vai ata o porto de Porcillán e percorre varias rúas da zona
vella.
 |
| Café Español |
Ademais, fai mención, entre outras cousas, ao xornal Las
Riberas del Eo e ao ribadense Dionisio Gamallo Fierros, co que incluso fala por
teléfono.
Na serie tamén participan algúns veciños da vila que teñen pequenos papeis secundarios.
 |
| Veciños de Ribadeo |
A miniserie pódese ver completa na páxina web de RTVE e aquí déixovos o capítulo no que aparece Ribadeo, a partir
do minuto 48.40, aproximadamente:
Recoméndovos que lle botedes unha ollada!
