A Academia das Artes e Ciencias Cinematográficas de Estados Unidos foi fundadada en 1927 por Louis B. Mayer, presidente da Metro Goldwyn Mayer, co obxectivo de favorecer as relacións entre os distintos integrantes da industria audiovisual.
O 16 de maio de 1929, tivo lugar en Los Ángeles a primeira cerimonia dos premios Óscar, concedidos por dita Academia e que teñen como fin honrar aos mellores traballos cinematográficos de cada ano.
Na súa primeira edición, a cerimonia dos Óscar non foi retransmitida nin pola radio nin pola televisión e nela concedéuselle o galardón a mellor película a Alas, dirixida por William A. Wellman. Alas, filme mudo de temática bélica, está ambientado na Primeira Guerra Mundial.
En 1930, o Óscar á mellor película foi para o musical La melodía de Broadway, converténdose no primeiro filme sonoro en acadar este premio.
O máximo premio da Academia en 1931 foi para Sin novedad en el frente, dirixida por Lewis Milestone, que gañou o Óscar á mellor dirección.
Cimarrón, western baseado na novela homónima da escritora Edna Ferber, foi a gran triunfadora no ano 1932, conseguindo o Óscar á mellor película, entre outros.
Nos seguintes anos, as películas premiadas foron Gran Hotel (1933), Cabalgata (1934), Sucedión una noche (1935), La tragedia de la Bounty (1936), El gran Ziegfeld (1937), La vida de Émile Zola (1938) e Vive como quieras (1939).
En 1940, Lo que el viento se llevó obtivo un récord de premios e nominacións aos Óscar, ao gañar 8 das 13 estatuíñas ás que optaba, entre elas a de mellor película, converténdose na primeira en cor que o conseguía. Ademais, Hattie McDaniel foi a primeira actriz de raza negra que logrou un premio da Academia pola súa interpretación de Mammy. Aínda así, McDaniel tivo que sufrir as normas de segregación racial da época, sentándose nun espazo separado do resto das súas compañeiras de raza branca.
 |
| Hattie McDaniel, Mammy, e Vivien Leigh, Scarlett O'Hara |
Lo que el viento se llevó proxectouse un gran número de veces nos cines ribadenses, tanto no Colón como no Teatro, e incluso se anunciaba como "o máis rotundo éxito que se recorda en Ribadeo".
 |
| 31.01.1954 |
 |
| 31.01.1954 |
 |
| 07.02.1954 |
 |
| 03.06.1956 |
 |
| 11.03.1962 |
 |
| 14.04.1962 |
 |
| 14.04.1962 |
 |
| 15.04.1962 |
 |
| 15.04.1962 |
 |
| 22.04.1962 |
Rebeca, dirixida por Alfred Hitchcock e protagonizada por Laurence Olivier e Joan Fontaine, foi a gañadora do Óscar á mellor película en 1941 e proxectouse no Teatro en 1952.
 |
| 04.05.1952 |
Qué verde era mi valle e La señora Miniver foron as premiadas en 1942 e 1943, respectivamente.
En 1944, the Oscar goes to... Casablanca! Este clásico do cine, protagonizado por Ingrid Bergman e Humphrey Bogart, pasou polas pantallas ribadenses en varias ocasións.
 |
| 26.09.1948 |
 |
| 20.06.1954 |
 |
| 29.10.1967 |
Do que non hai constancia é da proxección de Siguiendo mi camino e Días sin huella, premiadas nos Óscar de 1945 e 1946.
En 1947, a mellor película segundo a Academia americana foi Los mejores años de nuestra vida, que se proxectou no cine Teatro en 1948 e 1952.
 |
| 04.04.1948 |
 |
| 13.07.1952 |
En agosto de 1949, inaugurouse en Ribadeo o cine Colón e o filme escollido para a primeira proxección foi La barrera invisible, dirixida por Elia Kazan e gañadora do Óscar á mellor película no ano 1948.
 |
| 20.08.1949 |
 |
| 20.06.1953 |
Hamlet, longametraxe británica protagonizada e dirixida por Laurence Olivier, foi nomeada como mellor película en 1949 e pasou polos cines ribadenses en varias ocasións.
 |
| 23.04.1950 |
 |
| 23.04.1950 |
 |
| 17.10.1954 |
Nestes primeiros anos, os Óscar non eran un reclamo á hora de anunciar as películas, como se pode apreciar nos anuncios anteriores. A partir dos anos 50, os premios comezarán a adquirir relevancia para o público e moitas películas oscarizadas irán chegando aos cines da nosa vila, enchendo as salas, como veremos moi pronto noutro post.
